Ливанда қурбонлар сони 1000 га яқинлашмоқда

Ливанда Исроил томонидан амалга оширилган зарбалар оқибатида ҳалок бўлганлар сони 968 нафарга етди.

Республика Соғлиқни сақлаш вазирлиги маълумотларига кўра, 2 мартдан 18 мартгача бўлган даврда 2 432 киши турли даражада жароҳат олган.

Аввалроқ қурбонлар сони 912 нафар экани маълум қилинган бўлиб, кейинги кунларда ҳужумлар давом этгани сабабли бу кўрсаткич кескин ошган.

Ҳозирги вазият Ливандаги хавфсизлик ҳолати жиддийлашиб бораётганини кўрсатмоқда, қурбонлар сони эса 1000 нафарга яқинлашган.