Россия ташқи ишлар вазири Сергей Лавров Россия Европа ва АҚШ ўртасида «низо солгани» ҳақидаги айбловларни рад этди. Унинг айтишича, аксинча, айнан Европа АҚШ сиёсатида Россия фойдасига «оғиш» бор, деб ҳисоблаб, Москва ва Вашингтон ўртасида ихтилоф чиқаришга уринган.
Лавров, шунингдек, халқаро майдонда давлатларга бўлган муносабат уларнинг миллий манфаатларини қай даражада қатъий ҳимоя қила олишига бевосита боғлиқ эканини таъкидлади.