Мамлакатимиз элчихонаси кўмагида Кувайтнинг "Rawasi Kuwait Holding Co." холдингининг инвестиция ва молия бўйича директори Жасим Юсуф ал-Ғонимнинг Ўзбекистонга бизнес-миссияси ташкил этилди, деб хабар қилмоқда "Дунё" АА мухбири.
Кувайт вакили сафар давомида Ўзбекистон Инвестициялар, саноат ва савдо, Қишлоқ хўжалиги, Энергетика вазирликлари, "Ўзбекнефтегаз" ҳамда "BMB" компаниялари мутасаддилари билан икки томонлама ҳамкорликни йўлга қўйиш юзасидан музокаралар ўтказди.
Учрашувлар давомида нефть ва газни қайта ишлаш, сақлаш ва логистикасига оид лойиҳаларга ҳамда қишлоқ хўжалиги соҳасига инвестиция киритиш масалалари муҳокама қилинди.
Бўлиб ўтган музокаралар натижасида томонлар ҳамкорликнинг аниқ йўналишлари ва уларга хорижий инвестицияларни жалб этиш бўйича дастлабки келишувга эришдилар.
"Rawasi Kuwait Holding Co." инвестициявий холдинг компанияси 1982 йилда "Boodai Group" корпорацияси ҳузурида ташкил этилган. Холдинг 15 та турли компанияларни ўз ичига олади. Компаниянинг асосий капитал ҳажми 32,5 миллион АҚШ долларини, бошқарув активлари эса 50 миллион долларни ташкил қилади.
Марказий Осиё давлатларига ташқи кучлар томонидан босим ўтказилмоқда - Ўзбекистон Президенти ҳузуридаги Хавфсизлик Кенгаши
Ўзбекистон тиббиёти оғир жудоликка учради
Энергия тармоқларига ўзбошимчалик билан уларниш ўғрилик ҳисобланади
