Кўринмас хавф: Эҳтиёт бўлинг!

Миянинг хавфли ўсмаларини даволаш қийин, айниқса, касаллик ривожланишининг кеч босқичларида.

Ўз вақтида ташхис қўйилган тақдирда ремиссия эҳтимоли ортади, шунинг учун мутахассислар хавфли касалликнинг аломати бўлиши мумкин бўлган ҳолатларга эътибор беришни маслаҳат беришади.

Узоқ вақт давомида жисмоний машқлар билан кучаядиган бош оғриғи мия саратонининг дастлабки белгиси бўлиши мумкин, деб хабар берди "Актуальные новости" портали.

Мия онкологиясининг умумий белгилари орасида эса тинимсиз равишда бош айланиши, ҳар хил шовқин ва мувозанатни йўқотиш мавжуд.

Шифокорлар ушбу муаммоларни эътиборсиз қолдирмаслик кераклигини таъкидлашмоқда. Агар шу каби аломатлар пайдо бўлса ва йўқолмаса, албатта, тиббий кўрикдан ўтиш керак, дейди манба.