Кубада яна бутун мамлакат бўйлаб электр энергияси бутунлай ўчиб қолди. Бу жорий ҳафта ичида кузатилган иккинчи, сўнгги олти ойдаги тўртинчи йирик блэкаут бўлди, дея хабар бермоқда агентлик.
Маълум қилинишича, электр энергияси тизимидаги узилиш Санта-Клара ва Санкти-Спиритус провинцияларини боғловчи электр узатиш тармоғидаги носозлик ортидан юзага келган.
Куба ҳукумати электр тармоғининг издан чиқишига эскирган инфратузилма ва ёнилғи танқислиги сабаб бўлаётганини билдирган. Мамлакатдаги айрим электр станциялари 30 йилдан ортиқ вақтда қурилган бўлиб, улар узоқ йиллардан буён етарли даражада таъмирланмаган.
Бош вазир Мануэл Марреронинг айтишича, мамлакат кетма-кет юз берган электр узилишлари, электр станциялари учун ёнилғи етишмаслиги ҳамда бир нечта энергоблокнинг ишдан чиқиши туфайли оғир ҳафтани бошдан кечирмоқда.
Шу билан бирга, Куба ҳукумати АҚШнинг энергетика соҳасига қўйган чекловлари ҳам вазиятни янада мураккаблаштираётганини таъкидламоқда.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
