«Ан-Наср» ҳамда Португалия миллий терма жамоаси етакчиси Криштиану Роналду Саудия Арабистони чемпионатидаги «Ал-Ҳилол»га қарши муҳим учрашув олдидан мухлисларга мурожаат қилди.
Португалиялик ҳужумчи ижтимоий тармоқларда ҳиссиётларга бой хабар қолдирди.
— Сизнинг қўллаб-қувватлашингиз ҳар ҳафта бизга куч бағишлади. Стадионда, уйда ва бутун дунё бўйлаб. Бу энергия майдонда ҳам биз билан бирга.
Келинг, буни амалга оширамиз. Ўзимиз учун. Сизлар учун. «Ан-Наср» учун. Эртага кўришамиз, — деб ёзди Роналду.
«Ан-Наср» — «Ал-Ҳилол» учрашуви 12 май куни бўлиб ўтади. Баҳс Тошкент вақти билан соат 23:00да старт олади.
Чемпионатнинг сўнгги олди тури арафасида «Ан-Наср» 32 та ўйиндан кейин 82 очко билан мусобақа жадвалида пешқадам бўлиб турибди. «Ал-Ҳилол» эса 31 та баҳсдан сўнг 77 очко билан иккинчи ўринни эгаллаган.
Баҳодир Жалолов профессионал боксдаги 18-ғалабасини тантана қилди (ВИДЕО)
Месси ўзига ўхшаган энг иқтидорли ёш футболчи кимлигини айтди
«Реал»да «тозалаш» ишлари: Фақат 5 футболчи «даҳлсиз»
