Швейцариялик ва испаниялик олимлар жорий йилнинг ёз фаслида Испания қироллигида пайдо бўлган ва Европада жадал суратларда тарқалаётган коронавируснинг янги турини аниқладилар. Бу ҳақда Базел университетининг сайтида маълум қилинган.
Коронавируснинг янги турига 20A. EU1 номи берилди. Таҳлиллар шуни кўрсатдики, янги вирус биринчи марта қишлоқ хўжалиги ишчиларидан бирида аниқланган. Олимларнинг фикрига кўра, CОVID-19нинг мутацияга учраган янги тури 20 июлдан бошлаб Европа чегаралари очилганидан сўнг, сайёҳлар орқали тарқалишни бошлаган. Бугунги кунга келиб ушбу вирус Европанинг 12 та мамлакатида ҳамда Гонконг ва Янги Зеландияда аниқланган.