SPA давлат ахборот агентлигининг маълум қилишича, Саудия Арабистони ҳукумати ўзининг фуқаролари ва айни пайтда Қиролликда истиқомат қилаётган чет элликларнинг Умра ибодатини амалга оширишлари учун иккинчи босқичга рухсат берди.
Унга кўра, эндиликда ибодат қилувчилар сони кўпайтирилиб, муқаддас жойлардаги умумий одам сиғимининг 75 фоизигача бўлган қисмига кириш мумкин бўлади. Мусулмонларнинг Маккадаги Масжидул Харам ва Мадинадаги Масжидул Набавийда ибодатларни бажаришларига рухсат берилди. Шунингдек, эндиликда Масжидул Набавийдаги муқаддас жойда ҳам намоз ўқиш мумкин.
Саудия ҳукумати томонидан ишлаб чиқилган режага биноан, Умрага рухсат беришнинг иккинчи босқичида 15 минг киши ушбу ибодатни адо этади ва яна 40 минг киши муқаддас жойларда намоз ўқийди. Бу мазкур ҳудуддаги сиғимнинг 75 фоизини ташкил қилади.
Ибодат қилувчилар орасида коронавирус тарқалишининг олдини олиш учун уларнинг Умрани адо этишлари учун берилган вақт уч соатгача қисқартирилди.
Тожикистонда баҳорги муддатли ҳарбий хизматга чақирув режаси 70 фоизга бажарилди
Дин ишлари бўйича қўмита ходимлари ўртасида жанжал келиб чиқдими?
Россия иқтисодиёти қулаши мумкин
