Конор Макгрегор UFC’га қайтиши ҳақидаги анонсга муносабат билдирди

UFC собиқ чемпиони Конор Макгрегор октагонга қайтиши ҳақидаги анонсдан сўнг ижтимоий тармоқда пост қолдирди.

Эслатиб ўтамиз, аввалроқ UFC раҳбари Дана Уайт Макгрегор 11 июль куни UFC 329 турнирида Макс Холлоуэйга қарши яримўрта вазнда жанг қилишини маълум қилганди.

"Мен сени яна кулгига қолдираман, болам", — деб ёзди Макгрегор Х ижтимоий тармоғида Холлоуэйга мурожаат қилиб.

Макгрегор ва Холлоуэй илк бор 2013 йилда жанг қилишган. Ўшанда ирландиялик спортчи ҳакамларнинг якдил қарори билан ғалаба қозонган эди.