Колумбия президенти Абелардо де ла Эсприэля мамлакатда содир бўлган 7,4 магнитудали кучли зилзиладан сўнг умуммиллий фавқулодда ҳолат эълон қилди. У бу ҳақда 10 август куни, президентлик лавозимига киришганидан уч кун ўтиб маълум қилди.
Давлат раҳбарининг таъкидлашича, табиий офат оқибатларига қарши курашиш учун мамлакатдаги барча институционал ресурслар сафарбар этилади.
«Биринчи навбатда вайроналар остида қолган одамларни қутқариш керак», — дея президент сўзларини келтирган dpa агентлиги.
Колумбия минтақавий марказлари ассоциацияси маълумотларига кўра, зилзила оқибатида камида 132 киши ҳалок бўлган, яна 570 киши турли даражада жароҳатланган.
Табиий офат бир қатор шаҳарларда катта вайронагарчиликларга сабаб бўлди. Жумладан, Перейра, Кали ва Манисалес шаҳарларида 1500 дан ортиқ турар жой жиддий зарар кўрган.
Тахминан 60 та бино тўлиқ қулаб тушган. Шунингдек, 18 та шифохона ва 52 та мактаб биносига зарар етган. Қутқарув ишлари давом этаётгани боис қурбонлар сони яна ортиши мумкинлигидан хавотир билдирилмоқда.
Колумбия геология хизмати мазкур зилзилани XXI асрда мамлакат ҳудудида қайд этилган энг кучли зилзила деб атаган.
Муҳожирлар кетмоқда — Москва эса қайтишга чақирмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
UzAuto Motorsʼни Хитой компанияси сотиб олмоқчи
