Кобулда кучли портлаш юз берди, қурбонлар бор

Афғонистон пойтахти Кобул шаҳрида кучли портлаш содир бўлди, натижада бир неча киши ҳалок бўлган.

Report Al-Arabiyaга таяниб хабар беришича, ҳодиса “Толибон” ҳукуматига қарашли Ички ишлар вазирлиги томонидан тасдиқланган.

Портлаш Шаҳр-е-Нав туманида рўй берган. Ҳалок бўлганлар ва яраланганларнинг аниқ сони ҳозирча маълум қилинмади.

ИИВ матбуот котиби Абдул Матин Қонийнинг айтишича, дастлабки маълумотларга кўра, бир неча киши ҳалок бўлган ва тан жароҳати олган. Тафсилотлар кейинроқ эълон қилинади.

Маълумот учун, Шаҳр-е-Нав туманида кўплаб хорижий фуқаролар яшайди ва у Кобулнинг нисбатан хавфсиз ҳудудларидан бири ҳисобланади.