The New York Times газетаси хабарига кўра, АҚШ собиқ президенти Билл Клинтон ва унинг рафиқаси, собиқ давлат котиби Хиллари Клинтон Конгресс Вакиллар палатасида молиячи Жеффри Эпштейн иши бўйича кўрсатма беришга рози бўлган.
Қайд қилинишича, Клинтонлар аввалроқ Эпштейн иши бўйича ўзларида мавжуд бўлган барча чекланган маълумотларни тақдим этганликларини ва уларга нисбатан Конгрессда кўрсатма бериш талаби сиёсий сабабларга эга эканлигини билдирганди.
"Билл Клинтон Эпштейн билан таниш бўлганини инкор этмайди, бироқ унинг жиноятлари ҳақида ҳеч нарса билмагани, унинг шахсий оролида ҳеч қачон бўлмагани ва тахминан 20 йил олдин молиячи билан алоқани узганини таъкидлаган", деб ёзмоқда нашр.
Америкалик молиячи Жеффри Эпштейн 2019 йил июл ойида вояга етмаганларни фоҳишалик билан шуғулланишга мажбурлашда айбланиб ҳибсга олинган ва ўша йилнинг август ойида камерада осилган ҳолда топилган. Бу расмий ҳужжатларда ўз жонига қасд қилиш сифатида эълон қилинган.
Эпштейн иши бўйича аввал эълон қилинган ҳужжатлар унинг бир қатор машҳур шахслар билан алоқаларини ошкор қилган эди.
Дурдона Ҳакимованинг жасади ва болалари Ўзбекистонга қайтарилди
Трампнинг икки-тўрт ой умри қолганми?
Саудия Арабистони АҚШнинг Эронга зарба беришидан манфаатдорми?
