Кемалар Ҳўрмуз бўғозидан ўтиш учун Эронга 1,5-2 млн доллар тўламоқда

Бу ҳақда CNN Эрон парламент комиссияси аъзоси Муҳсин Зангане сўзларига таяниб хабар бермоқда.

Унинг айтишича, даромадлар Эронга нақд пул, криптовалюта ва товар айирбошлаш шаклида тушяпти.

Бу тўловларни йиғиш ва бўғоздан ўтиш учун рухсатномалар бериш билан махсус орган — "Форс кўрфази бўғози бошқармаси" шуғулланади.

Май ойи бошидан буён ушбу бошқармага турли кемалардан 300 дан ортиқ сўров келиб тушган бўлиб, уларнинг аксарияти нефт танкерларидир. Бундан ташқари, у Эрон ўтаётган кемаларга "навигация хизматлари" ҳам кўрсатаётганини даъво қилмоқда, дейилади хабарда.