Келаси ҳафта Сеулда “Марказий Осиё – Корея” форматидаги биринчи саммит бўлиб ўтади

Корея ҳукумати хабарига кўра, Ўзбекистон президенти Шавкат Мирзиёев ва Корея президенти Ли Чжэ Мён музокаралари 14 сентябрга белгиланган.

Ли Чжэ Мён 15 сентябр куни Қозоғистон ва Туркманистон президентлари билан, 16 сентябрда эса Тожикистон ва Қирғизистон президентлари билан ҳам икки томонлама учрашувлар ўтказади.

Ўзбекистон, Қозоғистон ва Туркманистон раҳбарларининг ташрифи давлат ташрифи, Тожикистон ва Қирғизистон раҳбарларининг ташрифи эса расмий ташриф мақомига эга.

16 сентябр куни “Марказий Осиё – Корея” биринчи саммити бўлиб ўтади. Корея томони бу тадбирни халқаро вазият ноаниқ бўлиб турган шароитда стратегик аҳамияти ортиб бораётган Марказий Осиё минтақаси билан дипломатик ҳамкорликни кенгайтиришда муҳим қадам сифатида баҳоламоқда.