Кексайишни секинлаштирувчи бирикма аниқланди

Шоколад, чой кофе ва винонинг таркибидаги гидрохиноннинг руҳли бирикмаси инсондаги кексайиш жараёнини секинлаштиради. Германиянинг Эрланген-Нюрнберг университети олимлари шундай хулосага келишди. Тадқиқот натижасини Phys.org порталида эълон қилган мутахассисларнинг таъкидлашича, руҳ инсон танасидаги оксидланиш ортишига, нафас олиш жараёнида ҳужайралардаги супероксид пайдо бўлишига тўсқинлик қилувчи гидрохинонларни фаоллаштиради. Супероксид эса биомолекулаларга зарар келтиради, дейди олимлар. 

Эслатиб ўтамиз, америкалик олимлар октябрда кетоген диета кексайиш жараёнини секинлаштиришини кашф қилганди.

Manba: ЎзА​​