Янги ўзбекнинг боласи отасига деди:
— Дада, айланишга кетаяпман, пул беринг!
— Бор, шкафда турибди, олавер!
— Қанча олай?
— Икки сантиметр етар?..
* * *
Яқинда гапирадиган кир ювиш машинасини ишлаб чиқаришди. У қуйидаги тартибда ишлайди:
— Кийимларни ичимга солинг! Раҳмат!.. Ие, кўйлак ёқасига лаб бўёғи қаердан тега қолди!.. Мақсуда-а-а-а-а!.. Эрингнинг кўйлаги ёқасига бегона аёлнинг лаб бўёғи тегиб қолибди!..
* * *
Йўловчи стюардессадан сўради:
— Нега учувчиларингиз чап елкалари оша тупуриб қўйишди?
— Олдимиздан қора мушук ўтиб кетди.
— Ие, осмонда мушук қаердан пайдо бўлди?
— Ўзга сайёрадан космонавтлар ташлашибди.
* * *
Чукчаларга яшаш учун вагон совға қилишди. Бир ойдан кейин қандай яшаётганларини билиш учун ташриф буюриб қарашса, ҳаммалари бир бўлиб вагонни у ёқдан-бу ёққа судраб юришибди. Уларнинг биридан бунинг сабабини сўрашганда, у шундай жавоб берди:
— Ҳожатхона эшигига «Вагон тўхтаб турганда ҳожатхонадан фойдаланманг» деб ёзиб қўйишган экан. Шунинг учун бир-биримизга ёрдам бериб ётибмиз.
