Қозоғистоннинг Манғистов вилоятида ўтказилган ҳарбий машғулотлар вақтида оғир ҳодиса рўй берди. Каспий денгизи соҳилида ўқув-жанговар вазифани бажараётган 19 нафар ҳарбий хизматчи кучли шамол ва ёмонлашган об-ҳаво таъсирида денгиз томон оқиб кетган.
Қозоғистон Мудофаа вазирлиги маълумотига кўра, ҳодиса 24 сентябрь куни содир бўлган.
Ҳозирга қадар 9 нафар ҳарбий хизматчининг ҳалок бўлгани тасдиқланган. Уч киши қутқарилган, улардан бири тиббий ёрдам олиш учун шифохонага олиб кетилган. Қолган ҳарбийларни топиш бўйича қидирув ишлари давом этмоқда.
Қутқарув амалиётига мамлакат Ҳарбий-денгиз кучлари, Фавқулодда вазиятлар вазирлиги, авиация ҳамда бошқа тегишли тузилмалар жалб қилинган.
Ҳодиса сабабларини ўрганиш ва қидирув ишларини мувофиқлаштириш учун Мудофаа вазирлигининг махсус комиссияси Манғистов вилоятига йўл олган. Комиссияга мудофаа вазири Даурен Косанов раҳбарлик қилмоқда.
Вазирлик ҳалок бўлган ҳарбийларнинг оила аъзолари ва яқинларига таъзия билдириб, уларга зарур ёрдам кўрсатилишини маълум қилди.
Дунёда атиги уч киши хорижга паспортсиз саёҳат қилиши мумкин
Хитойдаги ғайриоддий лагерларни биласизми?
Россияда бир ҳафта ичида касалланганлар сони қарийб 1 миллионга етди
