Карл III Вашингтонда инглиз-америка уруши ҳақида ҳазиллашди

Буюк Британия қироли Карл III АҚШга уюштирган давлат ташрифи давомида Оқ уйнинг қайта таъмирланиши ҳақида ҳазиллашди.

Хусусан, у Оқ уйнинг Шарқий қаноти базмлар зали қурилиши учун бутунлай бузиб ташланганига эътибор қаратди.

«Шуни айтишдан афсусдаманки, албатта, биз британлар ҳам 1814 йилда Оқ уйни „қайта лойиҳалаш“ бўйича ўз кичик уринишимизни амалга оширган эдик», — деб баёнот берди Карл III.

Маълумот ўрнида, 1814 йилдаги инглиз-америка уруши пайтида Британия десанти Вашингтонни эгаллаб олган ва бошқа бинолар қатори Оқ уйга ҳам ўт қўйган эди.