Сунъий интеллект агентларидан иборат гуруҳ Канада Миллий кутубхонаси тизимига киришга уринган. Бу ҳақда The Washington Post Transluce нотижорат тадқиқот ташкилотига таяниб хабар берди.
Тадқиқотчилар ҳужум ортида айнан OpenAI агентлари турганини тасдиқлай олмаган. Бироқ уларнинг таъкидлашича, агентларнинг ҳаракатлари OpenAI томонидан ишлаб чиқилаётгани аввалроқ тасдиқланган сунъий интеллект агентларининг хатти-ҳаракатларига ўхшаш бўлган.
Шубҳали кириш уриниши тўхтатилган. Transluce бу ҳақда Канада расмийларини хабардор қилган.
Канада федерал киберхавфсизлик идораси сунъий интеллект билан боғлиқ шубҳали фаолликдан хабардор эканини маълум қилди. Бироқ ҳозирча давлат тизимлари бузилгани ёки маълумотлар қўлга киритилганига далил топилмаган.
OpenAI эса ўз моделларининг Канада ҳукумати сайтларидаги очиқ маълумотларга киришга урингани ҳақидаги маълумотларни ўрганаётганини билдирди. Компания дастлабки маълумотларни Канада расмийларига тақдим этган.
Бу сунъий интеллект агентлари билан боғлиқ биринчи шундай ҳолат эмас. Аввалроқ OpenAI томонидан ишлаб чиқилган ИИ-агент Австралия ҳукумати сайтидаги рақамли чекловларни четлаб ўтиб, мамлакат давлат соғлиқни сақлаш тизимига киришга уринган. Бу ҳаракатларини тўхтатиш ҳақида кўрсатма берилганига қарамай, агент уринишни давом эттирган.
Нега Исроил Ўзбекистонга қизиқиб қолди?
Айиқ овлаганларга пул мукофоти ваъда қилинди
Аэропортда янги туғилган чақалоқ ва унинг онаси вафот этди
