Халқ тилида Кадишев бозори деб аталадиган “Авиасозлар” бозори фаолияти одатдаги тартибда давом этмоқда. Савдо расталари ва дўконларнинг бузилиши ҳақидаги хабарлар ҳақиқатга тўғри келмайди. Бу ҳақда Тошкент шаҳар ҳокимлиги Матбуот хизмати хабар берди.
Маълум қилинишича, бозорга туташ ҳудудда узоқ йиллардан бери тартибсиз ташкил этилган ноқонуний савдо нуқталарини тартибга келтириш ишлари олиб борилмоқда. Айрим фуқаролар мева-сабзавот, гўшт ва калла-поча маҳсулотларини рухсатсиз ҳамда санитария талабларига зид равишда сотган.
Шунингдек, тартибсиз савдо пиёдалар ва транспорт ҳаракатига халақит бериб, тирбандлик ва ноқулайликларни юзага келтираётгани қайд этилди.
Ҳокимликка кўра, ҳудудда савдо қилган фуқароларга бозор ичидан қонуний ва махсус ажратилган жойлар таклиф этилмоқда. Келгусида ҳудуд ободонлаштирилиб, кўкаламзорлаштирилади ҳамда автотураргоҳ ташкил этилади.
Нурмат Отабеков хантавирус бўйича ахборот билан чиқди
МДҲ давлатларида қанча Иккинчи жаҳон уруши қатнашчилари қолган?
Энди Тошкент вилояти йўлларида “Damas” ҳаракати чекланади
