33 ёшли кубалик муҳожир Денни Адан Гонсалес Жоржия штатидаги Стюарт ҳибсхонасида вафот этди. АҚШнинг Миграция ва божхона хизмати (ICE) маълумотига кўра, у 28 апрел куни ўз камерасида ҳушсиз ҳолатда топилган ва бир соат ичида ўлим ҳолати қайд этилган. Расмийлар бу воқеани ўз жонига қасд қилиш деб гумон қилмоқда.
Бу ҳолат президент Доналд Трампнинг оммавий депортация дастури доирасида кўп сонли муҳожирларни ҳибсга олиш сиёсати фонида юз берди. ICE томонидан ҳибсга олинганлар сони 2025 йилдаги 40 мингдан 60 минггача кўпайган ва бу кўрсаткич яна ошиши кутиляпти. Жорий йилнинг дастлабки тўрт ойида ҳибсхоналарда 18 та ўлим ҳолати қайд этилди, бу эса ўтган йилги йигирма йиллик энг юқори кўрсаткичдан ҳам ўтиб кетиши мумкинлигини кўрсатмоқда.