Жиззахда хотинини рашк қилган эркак даҳшатли қотилликка қўл урди

Эски Тошкентлик маҳалласида яшовчи фуқаро рашк сабабли даҳшатли қотилликка сабабчи бўлди.

04.04.2019 йилда соат 13:30 ларда Ш.Рашидов тумани, Эски Тошкентлик маҳалласида яшовчи Т.М. фуқаро Ш.А.ни қасддан ўлдириш мақсадида, унинг Жиззах шаҳрида жойлашган иш жойига бориб, ундан ўз хотинини рашк қилиб, ўзи билан олиб келган ошхона пичоғи билан унинг ўнг бўйин ва кўкрак соҳасига уриб, воқеа жойидан яширинган.

Ш.А. олган тан жароҳатлари натижасида касалхонада вафот этган.

Шу куннинг ўзида Жиззах шаҳар прокуратураси томонидан Т.М.га нисбатан Ўзбекистон Республикаси Жиноят кодексининг 97-моддаси 1-қисми билан жиноят иши қўзғатилиб, зудлик билан ўтказилган тезкор-қидирув тадбирлари натижасида Т.М. ушланган.