Женевадаги музокаралар рус ва инглиз тилларида олиб борилмоқда

Женева шаҳрида Россия, Украина ва АҚШ делегациялари ўртасида ўтаётган уч томонлама музокаралар рус ва инглиз тилларида олиб борилмоқда. Бу ҳақда РИА Новости манбаларга таяниб хабар берди.

Агентлик суҳбатдоши тегишли саволга жавобан музокаралар “рус ва инглиз тилларида” ўтаётганини маълум қилган.

Украина инқирозини ҳал этишга қаратилган учрашув Женевадаги InterContinental меҳмонхонасида бўлиб ўтмоқда. Россия делегацияси президент ёрдамчиси Владимир Мединский бошчилигида дипломатик рақамли автомобиллар ва полиция кузатуви остида келган.