Америкалик миллиардер Жефф Безосга тегишли бўлган Blue Origin компанияси томонидан қурилган New Glenn ракетаси пайшанба куни тунда АҚШнинг Флорида штатидаги учириш майдончасида портлаб кетди. Портлаш бўлажак учириш олдидан ўтказилаётган синов пайтида юз берган.
"Бугунги ўт очиш синови пайтида носозликка дуч келдик. Барча ходимларнинг хавфсизлиги тасдиқланди", дейилади компаниянинг расмий баёнотида.
Маълумотларга кўра, синовдан мақсад ракетани учириш майдончасида мустаҳкам ушлаб турган ҳолда, унинг тезлаштирувчи босқичидаги еттита двигателни ўт олдириш эди. Аммо, синов вақтида аланга ракетанинг ён томонлари бўйлаб кўтарила бошлади ва кучли портлаш учириш майдончасини қоплаб олган.
Ракета Amazon компаниясининг “паст Ер орбитаси” маъносини англатувчи LEO интернет сунъий йўлдошлари тизими учун 48 та сунъий йўлдошни олиб чиқиши керак эди. LEO — SpaceX'нинг Starlink тармоғига рақобатчи ҳисобланади. Amazon сунъий йўлдошлари ракета бортида бўлмаган.
Компания қўниш модулини Ойга етказиш учун SpaceX билан рақобатлашмоқда. Ушбу муваффақиятсизлик – NASAʼнинг Ой дастури режаларига ҳам таъсир қилади.
1 июндан тарифлар ошади: олдиндан тўлов қилганлар 2 ой эски нархда тўлайди
Нетаньяху Қуддусдаги шифохонага ётқизилди
Ўзбекистонда июнда аномал иссиқ оқибатида ҳарорат +47° гача чиқади
