Жанубий Кореяда махсус маслаҳат гуруҳи собиқ президент Юн Сок Ёлга нисбатан давлат тўнтаришига уриниш айблови бўйича апелляция судида яна ўлим жазосини тайинлашни сўради. Бу ҳақда Yonhap ахборот агентлиги хабар берди.
Маълум қилинишича, махсус прокурор Чо Ин Сук бошчилигидаги тергов гуруҳи Сеул Олий судида ўтказилган эшитувда биринчи инстанциядаги талабини такрорлаган. Прокуратура қуйи суд томонидан тайинланган умрбод қамоқ жазосини жуда енгил деб ҳисобламоқда.
12 июн куни Жанубий Корея суди собиқ президент Юн Сок Ёлни КХДР ҳудудига дронлар юборганликда айбдор деб топиб, 30 йилга озодликдан маҳрум қилган эди.
Юн 2024 йилнинг 3 декабрда ҳарбий ҳолат эълон қилганида, бу қарорини мамлакатни Шимолий Кореяга хайрихоҳ давлатга, қарши кучлардан ҳимоя қилиш зарурати билан изоҳлаган эди. Бироқ кейинчалик унинг қарори асосан ички сиёсий муаммолар билан боғлиқ экани маълум бўлди ва оммавий норозилик намойишлари ортидан ҳарбий ҳолат бекор қилинди.
Шундан сўнг Юн импичмент орқали лавозимидан четлатилган ва ҳарбий ҳолатни ноқонуний жорий этишга урингани учун давлатга қарши исён айби билан умрбод қамоқ жазосига ҳукм қилинган.
Сеул округ суди Юн, собиқ мудофаа вазири Ким Ён Хён, Мудофаа контрразведка қўмондонлигининг собиқ раҳбари Йо Ин Хён ва Дрон операциялари қўмондонлигининг собиқ раҳбари Ким Ён Дени давлатга хиёнат ва мансаб ваколатини суиистеъмол қилишда айбдор деб топган.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
