Жанубий Корея 2027дан ит гўштини истеъмол қилишни тақиқлайди

Жанубий Кореяда итларни сўйиш ва озиқ-овқат учун сотишга тўлиқ тақиқ 2027 йилда кучга киради.

Бу ҳақда мамлакат Қишлоқ хўжалиги вазирлиги эълон қилди.

Вазирлик маълумотларига кўра, ит гўшти фермаларининг 82 фоизи аллақачон фаолиятини тўхтатган: 1535 та фермадан 1265 таси 2024 йилдан бери ёпилган. Қолган фермалар 2026 йил охирига қадар фаолиятини тўхтатиши кутилмоқда.

Вазирликнинг таъкидлашича, қолган фермаларда ҳам, аллақачон ёпилган фермаларда ҳам мумкин бўлган қоидабузарликлар ва ноқонуний кўпайтиришни аниқлаш учун текширувлар ўтказилади.

Бу тақиқ президент Юн Сок-Ёлнинг сайловолди ваъдаларидан бири эди. Сўнгги йилларда мамлакатда ит гўштини истеъмол қилиш, айниқса ёш авлод орасида сезиларли даражада камайди.