Жанубий Африка Республикаси шимолидаги Лимпопо вилоятида юз берган йўл-транспорт ҳодисаси оқибатида 27 киши ҳаётдан кўз юмди.
Автоҳалокат 19 октябрда халқаро трассада юз берган. Цемент олиб кетаётган юк машинаси қарама-қарши йўналишга чиқиб, бошқа машиналар, жумладан 22 кишилик Mercedes Benz микроавтобуси билан тўқнашиб кетган. Ҳалок бўлганлар орасида 2 нафар балоғатга етмаган бола бўлган, 4 киши яраланган.
Йўл-транспорт ҳодисаси сабаблари аниқлаштирилмоқда. Дастлабки маълумотларга кўра, юк машинаси ҳайдовчиси машина ғилдираги ёрилиб кетгандан кейин бошқарувни йўқотган.
Manab: kun.uz