World Food Programme (БМТ Жаҳон озиқ-овқат дастури)нинг фавқулодда ҳисоботига кўра, Эрон билан боғлиқ ҳарбий можаро 2026 йил ёзигача давом этса, дунёда очликдан азият чекувчилар сони 45 миллион кишига ошиши мумкин. Шу тариқа, умумий кўрсаткич 319 миллион нафардан ошиб кетади.
Мутахассислар асосий сабаб сифатида дон танқислигини эмас, балки глобал логистика издан чиқиши ва энергетик инқирозни кўрсатмоқда. Хусусан, Ҳурмуз бўғози орқали нефть ва ўғитлар учун хом ашё етказиб бериш чекланиши “домино эффекти”ни келтириб чиқарган.
Сўнгги икки ҳафтада Африка ва Осиёга гуманитар ёрдам етказиш харажатлари 18–25 фоизга ошган. Басра қўлтиғидан келадиган азот ва фосфат ўғитлари танқислиги эса Жанубий ярим шардаги экин экиш мавсумига хавф туғдирмоқда.
Импортга қарам давлатларда озиқ-овқат нархлари ривожланган мамлакатларга нисбатан икки баробар тез ўсмоқда.
“Қизил зона”га Судан, Яман, Ғазо сектори, Гаити ва Жанубий Судан киритилган. Шунингдек, Афғонистон, Покистон, Нигерия ва Чад давлатларида ҳам очлар сони кескин ошиши кутилмоқда.
Мутахассислар таъкидлашича, тезкор дипломатик чоралар кўрилмаса, дунё янги беқарорлик ва миграция инқирозлари тўлқинига дуч келиши мумкин.
Эронда 19 ёшли спортчи дорга осиб қатл этилди
Эрон АҚШнинг F-35га қандай ракета билан зарба берганини кўрсатди
Эрон Трампнинг Ҳормуз бўғозини очиш ҳақидаги ультиматумига жавоб берди
