Испания терма жамоаси Миллатлар лигаси гуруҳ босқичи доирасида Хорватияни сафарда 2:1 ҳисобида мағлуб этди. Учрашув Хорватиянинг Сплит шаҳрида бўлиб ўтди.
Баҳсда ҳисобни мезбонлар очди. 17-дақиқада Иван Перишич гол уриб, Хорватияни олдинга олиб чиқди.
Иккинчи бўлимда Микель Мерино мувозанатни тиклади. Учрашув якунига яқин испаниялик ярим ҳимоячи яна бир бор гол уриб, дубль қайд этди ва жамоасига ғалаба келтирди.
Асосий вақт тугашига ўн дақиқа қолганида Иван Перишич иккинчи сариқ карточкасини олиб, майдондан четлатилди.
Ушбу ғалабадан сўнг Испания 12 очко билан А3 гуруҳида биринчи ўринни эгаллаб турибди. Хорватия эса 3 очко билан учинчи поғонада жойлашган.
Кейинги турда Испания сафарда Чехияга қарши майдонга тушади, Хорватия эса меҳмонда Англия билан баҳс олиб боради. Ҳар икки учрашув 12 ноябрь куни ўтказилади.
Роналду ёки Жезуш? Португалияликлар танловини қилди
Икки футболчи зўрлаш ишида қўлга олинди
Осиё ўйинлари: Ўзбекистонлик чемпион ва мураббийларга бериладиган мукофотлар маълум
