Италиялик теннисчилар — Даниэле Браччиале ва Потито Стараче келишилган ўйинлар учун жазоланди.
Браччиале 2018 йилда Гштаадда ўтган мусобақада Марко Берреттини билан жуфтлик баҳсларида ғолиб чиққанди. Унга нисбатан 250 минг долларлик жарима қўлланди. Шунингдек, умрбод теннис ўйинларидан четлатилди.
2015 йилдан бери кортга чиқмаётган Стараче эса келишилган ўйинларда иштирок этгани учун 100 минг доллар жарима тўлайди. Бундан ташқари, 10 йил давомида теннисдан ташқарида юришига тўғри келади.
Италия теннис федерацияси иккала теннисчини ҳам дастлаб умрбод теннисдан четлатганди, бироқ кейинчалик жазо бекор қилинганди. Бу сафарги жазо эса "Tennis Integrity Unit" ташкилоти томонидан тайинланди. Мазкур ташкилот теннисдаги коррупцияга қарши кураш олиб боради.
Manba: turon24
