Италия ташқи ишлар вазири Антонио Таяни АҚШ президенти Дональд Трампнинг Италия бош вазири Жоржа Мелони ҳақидаги баёнотларидан сўнг АҚШга режалаштирилган ташрифини бекор қилди. Бу ҳақда РБК хабар берди.
Антонио Таяни 19 июнь куни X ижтимоий тармоғидаги саҳифасида Трампнинг сўзларини “жиддий ва ҳақоратомуз” деб атади.
“Президент Трампнинг бош вазир Жоржа Мелони ҳақидаги жиддий ва ҳақоратомуз баёнотлари бутун Италияга нисбатан ҳақоратдир. Шу муносабат билан 21–22 июнга режалаштирилган АҚШ сафаримни бекор қилишга қарор қилдим”, деб ёзди Италия ТИВ раҳбари.
Таяни Маямида ўтказилиши режалаштирилган Италия—АҚШ бизнес, инвестициялар, фан ва инновациялар форумида иштирок этиши керак эди. АҚШ Давлат департаментининг 18 июндаги баёнотига кўра, 22 июнь куни форум доирасида Таянининг АҚШ давлат котиби Марко Рубио билан учрашуви ҳам режалаштирилган эди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Ҳиндистон ТИВ Россия дипломатини чақиртирди
