Италия бош вазири: Европа Путин билан музокараларни бошлаши керак

Италия бош вазири Жоржа Мелони Украинадаги урушни тўхтатишга қаратилган халқаро саъй-ҳаракатлар фонида Европа билан Россия ўртасида музокаралар олиб бориш ғоясини қўллаб-қувватлади. У Римда ўтказилган йиллик матбуот анжуманида шундай деди:

«Менимча, эндиликда Европанинг ҳам Россия билан гаплашиш вақти келди. Чунки агар Европа музокараларнинг ушбу босқичида иштирок этишга қарор қилса-ю, бироқ можаронинг фақат бир томони билангина мулоқот қилса, у ҳолда Европа қўшиши мумкин бўлган ижобий ҳисса охир-оқибат чекланган бўлиб қолишидан хавотирдаман».

Аввалроқ Франция президенти Эмманюэль Макрон ҳам Кремль билан мулоқот қилишга тайёр эканини, хусусан, яқин ҳафталарда Владимир Путин билан телефон орқали гаплашиш нияти борлигини билдирган эди.