Истанбул 2027 йилги Испания Суперкубогига мезбонлик қилади

Истанбул 2027 йилда дунёнинг етакчи спорт марказларидан бирига айланади. Формула 1 Туркия Гран-присининг қайтиши ва Европа ўйинларининг тўртинчи бор ўтказилиши шаҳар ҳаётида муҳим спорт воқеаларига бой йилни бошлаб беради. Хусусан, 2–6 феврал кунлари Истанбулда Испания Суперкубоги (Суперcопа де Эспаñа) бўлиб ўтади.

Туркия Маданият ва туризм вазирлиги ҳамда асосий ҳамкорлар кўмагида ташкил этиладиган 2027 йилги Испания Суперкубоги тарихда илк бор Туркияда ўтказилади. Шу тариқа, Туркия Испаниядан ташқарида ушбу турнирга мезбонлик қиладиган иккинчи давлатга айланади. Беш кун давом этадиган мусобақа дунёнинг турли мамлакатларидан футбол мухлисларини Истанбулга жамлайди. Турнир доирасида шаҳарнинг уч стадионида иккита ярим финал ва финал учрашуви бўли ўтади.

2027 йилги Испания Суперкубогини ўтказиш бўйича расмий битимни имзолаш маросими 2026 йил 17-сентябрь куни Истанбулдаги Туркия Футбол Федерациясининг Ҳасан Доған номидаги Миллий терма жамоалар тайёргарлик ва таълим марказида бўлиб ўтди. Тадбирда Маданият ва туризм вазири Меҳмет Нури Эрсой, Ёшлар ва спорт вазири Усмон Ашкин Бак, Бутунжаҳон этноспорт иттифоқи президенти Нежмиддин Билол Эрдўған, Саудия Арабистони Қироллиги Кўнгилочар тадбирлар бош бошқармаси раиси Турки Ал-Ашайх, Испания Қироллик футбол федерацияси (РФEФ) президенти Рафаел Лоузан ҳамда Туркия Футбол Федерацияси (ТФФ) президенти Иброҳим Этҳем Ҳожиосмонўғли ва спорт соҳаси расмийлари иштирок этди.

Испания футболининг энг кучли жамоалари Истанбулда беллашади

Тўртта жамоа иштирокидаги плей-офф тизимида ўтказиладиган Испания Суперкубоги ҳар йили ташкил этилади. Унда Ла Лигада дастлабки икки ўринни эгаллаган жамоалар ҳамда Испания Қироллик кубоги (Cопа дел Рей) финалчилари қатнашади. Шу форматга кўра, 2027 йилги турнир ярим финалида “Реал Соседад” ва “Реал Мадрид”, “Барселона” ва “Атлетико Мадрид” жамоалари ўзаро куч синашади.

Биринчи ярим финал 2 феврал куни Чобани стадиони - Шукру Сарачўғли спорт мажмуасида, иккинчи ярим финал эса 3-феврал куни Тупраш Бешиктош стадионида ўтказилади. Жамоаларнинг қайси ярим финалда қайси стадионда майдонга тушиши келгуси ҳафталарда маълум қилинади.

Ярим финал ғолиблари 2027 йил 6 феврал куни РАМС Парк - Али Сами Ен спорт мажмуасида бўлиб ўтадиган катта финалга йўл олишади. Ушбу учта муҳташам стадион умумий ҳисобда 143 982 нафар томошабинни қабул қилиш имкониятига эга.

Истанбул: жаҳон миқёсидаги футбол майдони

Кўп асрлик тарихий обидалари, жўшқин санъат ва маданияти, харид қилиш имкониятлари ҳамда Мичeлин қўлланмаси эътироф этган гастрономияси билан Истанбул йирик халқаро тадбирлар учун муносиб макон ҳисобланади. Шаҳар Европа футболидаги йирик мусобақаларга мезбонлик қилиш борасида катта тажрибага эга. Шаҳарда 2005 ва 2023 йилларда УEФА Чемпионлар лигаси, 2026 йилда эса УEФА Европа лигаси финал босқичлари ўтказилган. 2027 йилги Испания Суперкубоги ушбу анъанани давом эттириб, шаҳарнинг юқори даражадаги футбол маркази сифатидаги мавқеини янада мустаҳкамлайди.

Истанбулда футбол ва саёҳат

Испания Суперкубогини томоша қилиш учун Истанбулга келадиган мухлислар беш кун давомида шаҳарнинг тарихий ва маданий масканларини зиёрат қилишлари мумкин. Истанбулда Ая София, Еребатан саройи ва Босфор бўғози каби диққатга сазовор жойлар мавжуд. Шаҳар катта савдо марказлари ва хилма-хил бозорлари билан ажралиб туради.

Истанбул таомлари билан ҳам машҳур. Шаҳарда Мичeлин юлдузига эга ресторанлар, миллий таомлар тайёрланадиган масканлар ва кўча таомлари мавжуд.

2027 йил 2 феврал - Биринчи ярим финал: Чобани стадиони - Шукру Сарачоғлу спорт мажмуаси

2027 йил 3 феврал - Иккинчи ярим финал: Тупраш Бешиктош стадиони

ФИНАЛ - 2027 йил 6 феврал: РАМС Парк - Али Сами Ен спорт мажмуаси