Исроилда портлаш содир бўлди

Исроилнинг Кирьят-Ям шаҳрида автомобиль портлаши оқибатида камида бир киши ҳалок бўлди ва икки киши жароҳат олди.

Бу ҳақда The Jerusalem Post нашри Рамбам тиббиёт маркази вакилига таяниб хабар берди.

Хабарга кўра, портлаш 4 февраль куни кечқурун содир бўлган. Воқеа жойига етиб келган тез тиббий ёрдам ходимлари тутун чиқаётган машинани ва унинг ёнида уч киши ётганини аниқладилар.

Ҳадисада 30 ёшли эркак ва 13 ёшлар атрофидаги ўсмир жароҳат олди; улар оғир аҳволда кўплаб жароҳатлар билан касалхонага ётқизилди, деб хабар берди касалхона газетага. Кейинчалик яна бир жабрланувчи касалхонада вафот этди, деб хабар беради The Jerusalem Post.

Гувоҳларнинг сўзларига кўра, 12-канал келтирганидек, воқеа жиноий характерга эга бўлиши мумкин. Исроил полицияси машина ёнига ўрнатилган бомба муддатидан олдин портлаган бўлиши мумкинлигини текширмоқда, деб хабар беради KAN.