Ливан миллий ахборот агентлиги маълум қилишича, Исроил армияси Ливан жанубидаги бир қатор аҳоли пунктларига оқ фосфор қўлланган ҳолда зарбалар берган.
Хусусан, Дейр-Сирьян, Кантара, Тайбе, Яҳмер аш-Шақиф, Завтар, Фурун аль-Гандурия ва Бурж-Калавия ҳудудлари нишонга олинган.
Маълумотларга кўра, ҳужумлар Ҳезболлоҳ жангчилари билан давом этаётган тўқнашувлар фонида юз берган. Дейр-Сирьян — Кантара — Тайбе йўналишида Исроил ҳарбийлари ҳужумга учрагандан сўнг, Тайбе осмонида AH-64 Apache вертолёти кузатилган.
Ўз навбатида, Ҳезболлоҳ Исроил позицияларига қарши зарбалар кескин кучайтирилганини билдирди. Ҳаракат маълумотига кўра, тундан бери камида 40 та ҳужум амалга оширилган — Ливан жанубидаги Исроил ҳарбийлари ҳамда Исроил шимолидаги объектлар нишонга олинган.
Зарбалар ракета ва дронлар ёрдамида ҳарбий базалар ва аҳоли пунктларига қаратилгани айтилмоқда.
Шунингдек, Ҳезболлоҳ Дейр-Сирьян ҳудудида яна бир Merkava танки йўқ қилинганини маълум қилди. Аввалроқ ҳаракат жами 19 та шундай танкка ҳужум қилинганини билдирган эди.
Ливан — Исроил чегарасидаги вазият ўзаро ҳужумлар ва жанговар ҳаракатлар географиясининг кенгайиши фонида ниҳоятда таранглигича қолмоқда.
Эронда бир баққол дўкони ойнасида шундай ёзув илган:
Ҳусановнинг финалдаги ўйини қандай баҳоланди?
Эрон АҚШ ультиматумига жавоб қайтарди
