Исроил Теҳрондаги ИИҚК нишонларига янги зарбалар берди

Исроил ҳаво кучлари Теҳронга қарши янги ҳужумлар уюштирди.

Бу ҳақда Исроил мудофаа кучлари матбуот хизмати эълон қилди.

Бу сафар ҳужумлар Ислом инқилоби қўриқчилари корпусининг штаб-квартирасига қаратилган эди. Хусусан, Теҳрондаги Бош штаб ва Ҳарбий-ҳаво кучлари штаб-квартирасидаги "асосий инфратузилма" нишонга олинган.

Бундан ташқари, Исроил самолётлари баллистик ракета омборига, шунингдек, Исроилга ракеталарни учиришга тайёрланаётган учириш мосламаларига ҳужум қилди.