Исроил мудофаа вазири: "Бугуноқ Эронга қарши урушни қайта бошлашимиз мумкин"

Эрон Исроил ҳудудига ракета зарбалар берса, "бугун" Эрон билан урушни қайта бошлаши мумкин.

Бу ҳақда Исроил мудофаа вазири Исраэль Кац журналистларга шундай деди.

Унинг таъкидлашича, ҳарбий ҳаракатлар икки сценарий бўйича қайта бошланиши мумкин: ёки АҚШ президенти Дональд Трамп Теҳрон билан музокараларни самарасиз ва чарчаган деб ҳисобласа, ёки Эрон Исроилга ракета зарбаси берса.

"Агар Эрон Исроилга ракета зарбаларини берса, Исроил куч билан жавоб қайтаради. Биз Эрон Исроилга ракета отган ҳар қандай вазиятни қабул қилмаймиз. Бу ҳақда АҚШга ҳам хабар берилган. Исроил тўлиқ жанговар тайёргарлик ҳолатида ва зарбалар учун нишонлар мавжуд", деди Кац.