Исроил Ливан, Сурия ва Ғазо секторининг бир қисмидаги ҳарбий назоратни сақлаб қолмоқчи

Бу ҳақда Исроил мудофаа вазири Исраэл Кац АҚШ ва Эрон ўртасидаги музокаралар фонида X ижтимоий тармоғида маълум қилди.

Унинг айтишича, Исроил армияси “хавфсизлик зонаси” ҳудудларидан — Ҳермон тоғининг чўққисидан тортиб Ливан тоғлари, Самария ҳудудлари ҳамда Ғазо секторининг катта қисмигача бўлган ҳудудлардан чиқиб кетмайди.

Кацнинг таъкидлашича, Исроил 7 октябр воқеаларидан сабоқ чиқарган ва турли гуруҳлардан келадиган таҳдидларга қарши ўз чегараларини ҳимоя қилишда давом этади.

"Мамлакатимиз хавфсизлик бўйича аниқ ва ўзгармас позицияга эга: биз ҳар қандай таҳдидга қарши ҳаракат қиламиз, ён бериш ёки муросага эмас, балки хавфсизликни таъминлайдиган қарорларга интиламиз", — деди вазир.