Исроил ҳукумати Ғазо билан чегарадаги «Эрез» назорат-ўтиш пунктини қайта очишга қарор қилди. Бу ҳақда The Times of Israel нашри хабар бермоқда.
Ушбу пункт фаластинликлар ўтказган норозилик акцияси сабаб 5 сентябрь куни ёпилган эди. Исроил томонининг иддао қилишича, акция иштирокчилари пунктга тош отган ва инфратузилмасига зарар етказган. Шунинг учун таъмирлаш ишларини олиб бориш мақсадида пункт вақтинчалик ёпилган.
Ғазо секторининг шимолий қисмида жойлашган “Эрез” пунктидан асосан расмий делегациялар, жуналистлар ва Исроилга даволаниш учун борувчи фаластинликлар ўтади.