Исроил ва АҚШ Эронга қарши ҳарбий операцияни қайта бошлаш эҳтимолини муҳокама қилмоқда. Бироқ Исроил хавфсизлик тизимининг юқори мартабали вакиллари октябрь ойида бўлиб ўтадиган сайловларга қадар янги ҳарбий операция бошланишини эҳтимолдан йироқ деб ҳисобламоқда. Бу ҳақда Исроилнинг 13-канали хабар берди.
Телеканал маълумотларига кўра, сўнгги ҳафталарда АҚШ президенти Дональд Трамп ва Исроил бош вазири Биньямин Нетаньяху Эронга янги зарбалар бериш имкониятини фаол муҳокама қилган. Бироқ ҳозирча якуний қарор қабул қилинмаган.
Қайд этилишича, Нетаньяху сайловларга қадар ҳарбий операция ўтказишдан манфаатдор эмас.
Исроил армияси вазият ривожланишининг учта эҳтимолий сценарийсига тайёргарлик кўрмоқда: Исроилнинг мустақил ҳарбий операцияси, АҚШ билан биргаликдаги зарба ва Эрон томонидан эҳтимолий ракета ҳужумига жавоб чоралари.
Армия юқори жанговар шайлик ҳолатида қолмоқда. Шунингдек, Теҳроннинг кутилмаган ҳаракатлари ёки томонлардан бирининг нотўғри ҳисоб-китоблари натижасида вазият кескинлашиши хавфи ҳам инобатга олинмоқда.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
