Испания бош вазири Педро Санчес парламент тарқатилиб, муддатидан олдин сайловлар 29 ноябрь куни ўтказилишини маълум қилди. Навбатдаги сайловлар 2027 йилга белгиланган эди.
Бунга парламентнинг ҳукумат уй-жой муаммосини ҳал қилиш учун таклиф этган чораларини рад этгани сабаб бўлди. Унда ижара ҳақини тўлашда қийналаётган ва ҳимояга муҳтож аҳолини 2030 йилгача мажбуран кўчиришни тўхтатиш ҳамда айрим ижара шартномаларини автоматик узайтириш таклиф қилинган.
Қарор мамлакатда уй-жой масаласи кескинлашган бир пайтга тўғри келди. 3 октябрь куни Испаниянинг 50 га яқин шаҳрида арзон уй-жой талаб қилинган намойишлар ўтказилди. Мадридда ҳукумат ҳисоб-китобига кўра, 70 мингга яқин, ташкилотчилар маълумотига кўра эса 500 минг киши қатнашган.
Намойишларга 87 ёшли Марикармен Абаскалнинг 70 йил яшаган ижара уйидан чиқарилиши ҳам туртки бўлган. Кейинчалик унга уйда қолишга рухсат берилган.
Парламентдаги овоз беришда қонун лойиҳасига Халқ партияси, Vox ва Каталониянинг “Junts per Catalunya” партияси қарши чиқди. Санчес эса мамлакат келажагини энди сайловчилар белгилашини айтди.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
