Испания қироли 19 йилдан кейин Сеутага келди

Испания қироли Фелипе VI ва қиролича Летисия ёзги миграция инқирозидан ҳали тўлиқ тикланмаган Сеутага ташриф буюрдилар, деб хабар беради Euronews.

Бу — Испания қироллик оиласи аъзоларининг Шимолий Африкадаги анклавга 2007 йилдан бери биринчи олий даражадаги ташрифи. Ўша пайтда Сеута ва Мелильяга Фелипе VI нинг отаси, собиқ қирол Хуан Карлос ташриф буюрган эди.

Қирол ва қироличани шаҳар кўчаларида минглаб аҳоли Испания байроқлари ва гулларни ҳилпиратиб кутиб олишди. Бироқ, оломон орасида "Сеута ҳимояга муҳтож!" ёзуви туширилган футболкаларни кийган фуқаролар ҳам бор эди.

Бу ёзда Марокашдан Сеутага ноқонуний равишда ўтишга уринган мигрантлар сони 70 000 дан ошди. Инқироз пайтида 140 нафардан ортиқ мигрант ҳалок бўлди.

Қироллик аъзолари қурбонларни хотирлаш учун мусулмон қабристонига ташриф буюрди.

Шунингдек, қироллик жуфтлиги Испаниянинг Шимолий Африкадаги яна бир эксклави бўлган Мелиляга ҳам боради.

Ҳуқуқни муҳофаза қилиш органларининг маълумотларига кўра, Сеутадаги вазият ҳали тўлиқ барқарорлашмаган.

Марокаш Сеута ва яна бир Испания анклави Мелилья устидан суверенитет даъволарини сақлаб қолмоқда.

Ташриф давомида Фелипе VI маҳаллий ҳокимиятни қўллаб-қувватлашини билдирди ва Испания давлати инқироз оқибатларини бартараф этишга катта аҳамият беришини айтди.