Покистон ҳарбий разведкаси Афғонистон ва Покистон чегарасида ИШИД-Хуросон гуруҳининг муҳим аъзоси ва матбуот котиби Султон Азиз Аззамни қўлга олди. Бу ҳақда Afghanistan International хабар берди.
18 декабрь куни маълум қилинишича, операция аслида бир неча ой аввал, яъни, май ойида ўтказилган. Аззам Покистон ҳудудига кириб келаётган вақтда ушланган. Покистон ҳукумати ушбу ҳибс ҳақида БМТ Хавфсизлик кенгашини хабардор қилган ва бу маълумот кенгашнинг янги ҳисоботига ҳам киритилган.
Покистон хавфсизлик манбалари Султон Азиз Аззамни “ИШИД-Хуросон гуруҳида иккинчи рақамли шахс ва ташкилотнинг медиа департаменти учун асосий масъули” деб таърифлаган. Ҳисоботларга кўра, у қўлга олингач, гуруҳнинг медиа ва тарғибот фаолияти тўхтаб қолган. Покистон давлат телевидениеси ушбу ҳибсни гуруҳ раҳбариятига берилган қақшатқич зарба деб атамоқда.
Аззам 2016-йилда ИШИД таркибига кирган ва 2021-йилнинг ноябрь ойида АҚШ томонидан халқаро террористлар рўйхатига киритилган. БМТ ҳисоботида қайд этилишича, у гуруҳнинг зўравонлик мафкурасини тарқатиш ва террорчилик ҳаракатларини оқлашда асосий фигура бўлган. Ҳозирча ИШИД-Хуросон гуруҳи ўз вакилининг қўлга олинганига муносабат билдирмади.
Минг афсус! АҚШдаги отишмада ўзбек талаба ҳалок бўлди
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
