Ирландияда бир эркак АҚШ ҳарбий самолётига болта билан ҳужум қилди

Бугун эрталаб Ирландиянинг Шаннон аэропортида бир киши Америка ҳарбий самолётининг қанотига чиқиб, фюзеляж ва қанотга болта билан зарба бера бошлади.

Бу ҳақда маҳаллий TheJournal нашри хабар берди.

"Эркак аэропортнинг чекка йўлида тўхтаб турган АҚШ ҳарбий-ҳаво кучларининг C130 Hercules ҳарбий транспорт самолёти ёнида кўрилган", дейилади хабарда.

Аэропорт полицияси ва аэропортнинг ўз ёнғин ва қутқарув хизмати, полиция ва Ирландия мудофаа кучлари аъзолари билан бирга воқеа жойига етиб келди.

Гумонланувчи ҳибсга олинган. Бир манбага кўра, самолётга жиддий зарар етган.

Хавфсизлик бузилишидан сўнг, аэропорт деярли 30 дақиқага ёпилди. Энди операциялар қайта бошланди.