"Иккаласи ҳам кескин саволлардан қочишни афзал кўради"

Лотар Маттеус Юрген Клопп ва Юлиан Нагельсманннинг матбуот билан мулоқот услубини солиштирди.

«Икки мураббий ўртасидаги энг катта фарқ — Клопп одамларни ўзига жалб қилади, Нагельсманн эса уларни узоқлаштиради. Бу терма жамоа ўйинчилари билан муносабатда ҳам яққол кўринди. Клопп доимо ўз ўйинчиларини ҳимоя қилади ва шу орқали уларнинг ишончини қозонади. Нагельсманн эса ўйиндан кейин жамоасини танқид қилиш услуби билан кўплаб ўйинчиларининг ишончини йўқотди.

Клопп мимикаси, кулгуси ёки баъзида жиддий қиёфаси билан ҳиссиётларини кўрсатади. Бу одамларга тушунарли. Нагельсманн эса саволларга доимо бетараф муносабатда бўлади, гўёки унга бу нарсалар унчалик қизиқ эмасдек.

Клопп Дениз Ундавнинг терма жамоага чақирилмаганини очиқ тушунтирди. У тўғридан-тўғри гапиради. Мухлислар ҳам, ўйинчилар ҳам бунга тушуниш билан қарай олади. Кўплаб мухлисларга эса Нагельсманннинг мухлислар севимлиси бўлган Ундав билан муносабати ёқмади. Клопп ўз ўйинчиларига ҳурмат кўрсатади, Нагельсманн эса йўқ.

Икки мураббийнинг интервьюлардаги ўхшаш жиҳати ҳам бор: иккаласи ҳам узундан-узоқ жавоб беради ва кескин саволлардан қочишни афзал кўради».