Майорка аэропортида Нигерия фуқароси бўлган 46 ёшли эркак қўлга олинди. У ичагида умумий оғирлиги 1,3 килограмм бўлган 109 та пакет кокаин олиб киришга уринган. Эркак оролга Бельгиянинг Шарлеруа шаҳридаги аэропортдан учиб келган.
Испания полицияси маълум қилишича, Бельгия ҳуқуқ-тартибот идоралари ҳамкасбларини наркотик контрабандасига шубҳа борлиги ҳақида олдиндан огоҳлантирган. Эркак самолёт қўнганидан сўнг қўлга олинган ва рентген текширувига юборилган. Текширув унинг ҳазм тизимида кўп миқдорда шубҳали капсулалар борлигини кўрсатган.
Тиббий назорат остида эркак барча пакетларни аста-секин организмидан чиқарган. Экспертиза пакетлар ичида кокаин борлигини тасдиқлаган.
Терговчилар таъкидлашича, ҳатто битта капсуланинг ёрилиши ҳам ўлимга олиб келиши мумкин бўлган дозадан ортиқ наркотик қабул қилинишига сабаб бўлиши мумкин эди. Суд гумондорни қамоққа олиш ҳақида қарор чиқарди.
«Вафот этган» Бибимарям тирик экани тасдиқланди — Face ID ишга тушди
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
Сунъий интеллект қачон "қайтиб бўлмайдиган нуқтага" етиши мумкинлиги маълум бўлди
