Ҳусийлар Саудия Арабистонидаги Saudi Aramco заводига ҳужум қилди

Яманнинг "Ансар Аллоҳ" ҳаракатидан бўлган ҳусий исёнчилари Нажран шаҳридаги Saudi Aramco заводига дрон ҳужуми уюштирганликларини даъво қилишди.

Ҳусийлар сафидаги ҳарбий манба исёнчилар назоратидаги Яман ахборот агентлигига маълум қилди.

"Яман қуролли кучлари Нажран шаҳридаги Saudi Aramco заводига дрон ёрдамида муваффақиятли ҳужум қилишди", деб хабар берди агентлик манбадан иқтибос келтирган ҳолда.

Манбага кўра, операция Саудия Арабистони ҳарбий самолётлари томонидан Яман суверенитетини бузишга жавобан амалга оширилди, улар шимоли-шарқий чегара Саада вилояти устидан ҳаво майдонига киришди.

13 август куни ҳусийлар Жизан шаҳридаги Saudi Aramco нефтни қайта ишлаш заводига иккита дрон ёрдамида ҳужум уюштирганликларини даъво қилишди.