Хабарингиз бор Сирдарёда сув омборидан талофат кўрганлар учун кўп қаватли уйлар қуриб берилиши тармоқларда кескин муҳокамага сабаб бўлган эди. Ана шу мавзу юзасидан Молия вазири ўринбосари Ёрқин Турсунов қуйидагича изоҳ берди.
"Шу юзасидан битта нарсани айтмоқчиман. Юқорида айтилди, уй-жой қуриб берилади ва томорқа ери ҳам қолдирилади. Мисол қилиб айтаман. Масалан, Дўстлик массивида (уйи бузилганлар учун) янги уйлар қурилади. Қўрғонтепа маҳалласида (аввалги яшаган жойлари - таҳр.) уйи бузилган фуқаролар ўша Дўстликда яшаб, аввалги ўзининг томорқасида, орасидаги масофа 500 метр 1 км.ни ташкил этади, ўша ўзининг маҳалласида бемалол деҳқончилик билан шуғулланиб, даромад кўришлари мумкин", - деди вазир ўринбосари.
