"Ҳизбуллоҳ" бир ой ичида Исролиннинг 48 та танкини ишдан чиқарди

Ливаннинг "Ҳизбуллоҳ" ҳаракати 16 апрелдан 17 майгача Исроил кучларига қарши 339 та операция ўтказганини хабар қилди.

Бу ҳақда ҳаракат ушбу баёнотни ўзининг Телеграм-каналида эълон қилди.

"Ҳизбуллоҳ"нинг сўзларига кўра, ҳужумлар "сулҳ битимини бузишга жавобан" амалга оширилган. Ҳаракатнинг таъкидлашича, бу даврда 15 та қўмондонлик пункти, учта казарма, иккита ҳарбий база, еттита артиллерия позицияси ва битта вертолёт майдончасига зарба берилган.

"Ҳизбуллоҳ" шунингдек, 48 та танк, 18 та зирҳли транспортёр ва 12 та СУВни тўлиқ ёки қисман ишдан чиқарганини даъво қилмоқда. Ҳаракатнинг маълумотларига кўра, транспорт воситалари бошқариладиган ракеталар ва худкуш дронлар томонидан уриб туширилган.

Баёнотда Исроил қурбонлари ҳақида аниқ маълумотлар келтирилмаган. Бироқ, "Ҳизбуллоҳ" ҳалок бўлган ва яраланган Исроил аскарларининг умумий сонини тахминан 250 киши деб баҳоламоқда.