Ҳиндистон ва Бангладешдан Россияга рекорд даражада мигрант келди

Россия ҳукумати 2025 йил Ҳиндистон ва Бангладеш фуқароларига сўнгги тўққиз йил ичида рекорд миқдордаги ишлаш учун рухсатномалар берди.

2030 йилга бориб Россияда ишчи кучи танқислиги 3 миллиондан ошиши прогноз қилинмоқда.

Маълум қилинишича, Россияда ишлаш учун 56,5 минг нафар ҳиндистонлик фуқаро таклиф этилган, 2024 йил бу кўрсаткич 36,2 минг нафарни ташкил этганди. Шунингдек, Бангладешдан келганлар сони 2024 йилдаги 2,8 минг кишидан 9,3 минг кишига ошган. Иккала кўрсаткич ҳам 2017 йилдан буён кузатилган энг юқори натижа ҳисобланади.